Bu tarixdə Rusiyaya müharibə elan ediləcək

“VTB Bank”ın prezidenti, idarə heyətinin sədri Andrey Kostin ABŞ-ın Rusiyaya qarşı yeni sanksiyalarını müharibə elanı ilə müqayisə edib.

Beynelxalqinfo.com Publika.az-a istinadən xəbər verir ki, bankir belə bəyanatla Davos Ümumdünya iqtisadi forumun kuliarlarında çıxış edib.

Onun sözlərinə görə, Rusiya maliyyə institutlarına qarşı istənilən iqtisadi sanksiyalar “müharibə elanı”na oxşar olacaq. Andrey Kostin həmçinin bildirib ki, indi yeni qızğın silahlanma mərhələsi başlanır və bundan yalnız generallarla silah istehsalçıları qazanacaqlar.

“NATO daha çox silah tələb edir və Avropada böyük miqdarda silah yerləşdirir. Rusiya da buna eyni şəkildə cavab verəcək”, – Kostin əlavə edib.

Bankir vurğulayıb ki, Suriya, Baltikyanı və yaxud da Qara dənizdə toplanan silahlar bir təsadüf nəticəsində partlayış yarada bilər.

Xatırladaq ki, daha əvvəl ABŞ-ın Rusiyadakı səfiri Con Xantsman ABŞ-ın Rusiyaya qarşı ən güclü sanksiyaların yanvarın 29-da elan ediləcəyini açıqlayıb. Neçə nəfərin ABŞ-ın yeni sanksiyalarına məruz qalacağına gəlincə, səfir dəqiq cavab verməyib. O əlavə edib ki, yeni sanksiyaların Rusiya-ABŞ münasibətlərinə təsir edəcəyi şübhə doğurmur.

Daha əvvəl Ağ Evdə brifinq zamanı ABŞ-ın maliyyə naziri Stiven Mnuçin bildirdi ki, onun idarəsi Rusiya barəsində yeni sanksiyalar üzərində işləyir.

Eyni zamanda, Rusiyanın “Kommersant” qəzetinin yazdığına görə, sanksiyalara Rusiyanın ali rəhbərliyinə yaxın məmurlar və biznesmenlər məruz qalacaq. Onların sayı 50-dən çox, ailə üzvlərinin sayı ilə birlikdə isə 300-ə qədər ola bilər.

Beynelxalqinfo.com

Digər maraqlı xəbərlərə Beynelxalqinfo.com-un Facebook səhifəsindən baxmaq üçün tıkla

Paylaş:
Share on FacebookTweet about this on TwitterShare on Google+Share on LinkedInShare on TumblrShare on VKPin on PinterestBuffer this pageEmail this to someoneShare on StumbleUponFlattr the authorShare on RedditShare on XingPrint this page

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir